नेपाल प्रहरीको नयाँ नेतृत्वमा मनोज केसी, दानबहादुर कार्की प्रधानमन्त्रीको सुरक्षा सल्लाहकार

१८ कात्तिक, काठमाडौं । सरकारले नेपाल प्रहरीको नेतृत्व परिवर्तन गर्दै अतिरिक्त प्रहरी महानिरीक्षक (एआईजी) मनोज केसीलाई प्रहरी महानिरीक्षक (आईजीपी) नियुक्त गर्ने निर्णय गरेको छ ।

आज बसेको मन्त्रिपरिषद् बैठकले केसीलाई नेपाल प्रहरीको सर्वोच्च पदमा नियुक्त गर्ने निर्णय गरेको हो ।

हाल नेपाल प्रहरीको अपराध अनुसन्धान विभाग प्रमुखको जिम्मेवारीमा रहेका केसी अब प्रहरी संगठनको नेतृत्व सम्हाल्नेछन् ।

यसैगरी, वर्तमान प्रहरी महानिरीक्षक दानबहादुर कार्कीलाई प्रधानमन्त्रीको विशेष सुरक्षा सल्लाहकारको जिम्मेवारी दिइएको छ ।

मन्त्रिपरिषद् स्रोतका अनुसार प्रहरी नेतृत्व परिवर्तनसँगै कार्कीलाई प्रधानमन्त्रीको सुरक्षा सल्लाहकार बनाउने निर्णय गरिएको हो ।