कमब्याकका लागि ‘कन्ट्रोभर्सी’ खोजिरहेकी उषा रजक !
कमब्याकका लागि ‘कन्ट्रोभर्सी’ खोजिरहेकी उषा रजक !
ujyaalotoday
१५ पुस, काठमाडौं । चलचित्र ‘कठपुतली’का निर्माता पृथ्वी रानाले विवादले चलचित्र नचल्ने बताइरहँदा सोही चलचित्रकी नायिका उषा रजक भने गसिपको खोजीमा छिन् । मिडियामा चर्चामा आउनका लागि उनले दिने गरेका बयानदेखि उनले लगाउने गरेका पहिरन फेरिएका छन् ।
चलचित्र ‘कुसुमे रुमाल’, ‘इकु’ लगायतका चलचित्रमा काम गरेकी उषालाई अहिलेका पुस्ताका दर्शकले खासै चिन्दैनन् । यूएनडीपीको जागिर छाडेर नेपाली चलचित्र क्षेत्रमा नै रमाउन आएकी उषालाई नयाँ पुस्तामाझ चिनिनु पनि छ ।
चलचित्र ‘कठपुतली’को प्रचारमा निक्कै सक्रिय उषा मिडियाको नजर आफूतिर तान्न कोशिश गरिरहेकी छिन् ।
बुधबार बेलुका यो चलचित्रको प्रिमियर काठमाडौंको बिग मुभिजमा आयोजना भयो । चलचित्रको प्रिमियरको दिन काठमाडौंमा अत्याधिक चिसो थियो । पानी पनि दिनभर नै परेकाले मौसम निक्कै चिसो थियो । तर, नायिका उषा रजकलाई भने यसले कुनै फरक पारेको देखिएन ।
